Nàschida in su 1992, s’editoriale Il Maestrale at conchistadu in presse una positzione de primore in su panorama editoriale sardu e natzionale. Su coidadu pro s’imprenta, s’intregu de prèmios literàrios importantes a autores de su catàlogu suo, sos reconnoschimentos de su mundu acadèmicu natzionale e internatzionale, sas tradutziones foras de Itàlia de sas òperas, sunt intre sos resurtados prus mannos chi tzertìficant custa positzione. Sa seletzione de sas òperas in su setore literàriu est istada indiritzada a propònnere autores sardos contemporàneos giai famados (bios e nono), chi meda de sas òperas fundamentales non fiant publicadas dae ora; dare isbocu editoriale a sa bivesa literària sarda contemporànea, tràmite sa publicatzione de inèditos finas de esordientes.
Il Maestrale de gasi at pòdidu atuare una lìnia editoriale cun una connotatzione forte “sarda”; e mancari de gasi at, giai dae meda, allargadu sos orizontes de sa chirca in totu su territòriu natzionale. Traballu mannu est istadu fatu finas a livellu internatzionale.
Aterunu setore est su de sa chirca istòrica e istòricu-literària, coidende a distintu sa traditzione poèticu-literària in limba sarda.